Pra, qenka e vërtetë (Foto)
Hilary Duff dorë për dore me të dashurin e përfolur. Ata ishin modestë dhe lidhjen e tyre e kanë mbajtur fshehtë. Së paku deri tani. Hilary Duff dhe trajneri i saj personal Jason Walsh kishin dalë së bashku këtë të shtunë, më ndryshe se deri më tani, transmeton gazeta Kosova Sot.
Aktorja e bukur 28 vjeçe kishte mbajtur për dore të dashurin e saj derisa kishin dalë së bashku në distriktin SoHo në qytetin e Nju- Jorkut. Revista "E" kishte bërë me dije se këta të dy janë në lidhje, derisa shumicën e kohës po e kalojnë së bashku në Nju- Jork, në palestër dhe në qytetin e Nju- Jorkut dhe restorantet e tij. Me sa duket lidhja e tyre ka arritur një nivel tjetër. Me arritjen e vjeshtës, bukuroshja bionde kishte veshur një xhemper si vaj ulliri, që kishte jakën e hapur dhe të vendosur nga njëra anë duke ekspozuar kraharorin e saj. Veshur kishte një pale pantallona të ngushtë derisa dukjen e kishte kompletuar me një kapelë bezhë, një pale syze dhe grim minimal.
(Kosova Sot)