Burri i bën dhurata super luksoze Adelinës, byzylyku i kushton 63 mijë euro, ora 10 mijë dollarë...

Adelina Tahiri po feston sot ditëlindjen e 27-të.

Adelina ka uruar veten që në orët e para të mëngjesit në Instagram, duke bërë publike edhe moshën.

Kjo datë e rëndësishme e ka gjetur larg Shkupit këngëtaren shqiptare bashkë me partnerin e saj.

Dhe nëse jeni kuriozë të dini se çfarë dhuratash ka marrë Adelina për ditëlindje, këngëtarja nuk vonoi të na i tregonte. Përmes publikimit të një fotografie në Instagram, ajo tregoi se sot kishte marrë bizhuteri të shtrenjta, një orë të markës “Rolex” dhe byzylyk dhe unazë nga “Cartier”.

Jemi të sigurt që këto dhurata i kanë kushtuar një djall e gjysmë Serjoza-s, ndaj bëmë një kërkim online për të zbuluar çmimin. Vetëm byzylyku “Cartier” me gurë diamanti kushton plot 48 mijë paund (63,662 dollarë), ndërsa unaza e po të njëjtës markë kushton 8800 dollarë.

Ndërkohë, sa i përket orës “Rolex”, ajo kushton minimumi 10 mijë dollarë dhe është e llojit, “Rolex gmt master 2”.

Jemi të sigurt që për të bërë të lumtur Adelinën e tij, ai do të bënte edhe më shumë.

“Faleminderit zemra ime”, shkruan Adelina pranë fotos duke e falenderuar publikisht bashkëshortin.

(Kosova Sot)