Shtëpia u kompletua, Linda Halimi zbulon pamjet e para nga studioja e inçizimit

Linda Halimi është bërë mama vetëm pak muaj më parë, megjithatë duket se kjo gjë nuk do të ndikojë në karrierën e saj. Së fundmi, ajo ka publikuar një foto ku ka treguar se shtëpisë së saj i është shtuar dhe një dhomë tjetër që do të shërbejë si një studio inçizimi. “Studioja në shtëpi po përfundon”, ka shkruar Linda në foton e fundit, ku zbulon një pjesë të vogël të saj. Në këtë mënyrë, Linda do të ketë mundësi të punojë mbi projektet e saj të reja, por në të njëjtën kohë edhe të kujdeset për vogëlushen Kaimana. Kujtojmë se në vetëm pak kohë pas lindjes së vajzës, këngëtarja shqiptare u kthye në formën e saj të mëparëshme dhe tani është gati të sjellë projekte të reja muzikore.

(Kosova Sot Online)