Lexoni edhe:
Arbenita Ismajli dyshohet për mospërfillje të Gjykatës
Ava Max del me njoftim
Ava Max, ka shpërndarë një mesazh të papritur për fansat e saj në Instagram, duke bërë të ditur se është detyruar të shtyjë turneun e saj muzikor, transmeton gazeta “Kosova Sot Online”.
Në një postim në InstaStory, artistja e hitit “Sweet but Psycho” tha se kjo ka qenë një nga vendimet më të vështira të karrierës së saj.
“Shtyrja e turneut është vendimi më i vështirë që kam marrë ndonjëherë, por kur performoj për ju, gjithçka duhet të jetë në një standard me të cilin ndihem e kënaqur dhe për momentin, nuk është ende aty ku dua”, shprehet Ava.
Duke u treguar e sinqertë për dashurinë që ka për skenën dhe përkushtimin ndaj fansave, ajo shtoi: “Të jem në skenë është gjëja ime e preferuar në botë. Për të sjellë një show që e meritoni të gjithë, më duhet pak më shumë kohë. Ju premtoj që do ia vlejë pritja”.
Në fund të mesazhit, këngëtarja e mbylli me një premtim për fansat: “Ju dua të gjithëve dhe mezi pres t’ju shoh. Së shpejti, ju premtoj!”.
(Kosova Sot Online)
