Ja kush do ta zëvendësoj Ferid Aganin!

Kryeministri i Republikës së Kosovës, Isa Mustafa, e ka autorizuar Ferat Shalën që t’i ushtrojë të gjitha detyrat dhe përgjegjësitë e ministrit të Ministrisë së Mjedisit dhe Planifikimit Hapësinor.

Këtë rrugë e hapi kur ministri Ferid Agani kërkoi nga kryeministri që ta lirojë nga detyra derisa ai të shpallet i pafajshëm në procesin ku ai po akuzohet për shpërdorim të detyrës zyrtare në kohën sa ishte ministër për Shëndetësi.

“Z. Ferat Shala autorizohet të ushtroj detyrat dhe përgjegjësitë e Ministrit të Ministrisë së Mjedisit dhe Planifikimit Hapësinor, pas dorëheqjes së z. Agani nga posti i Ministrit”, thuhet në vendimin e Qeverisë për autorizimin e Shalës.

Ferat Shala është zëvendësministër në MMPH. Ai udhëhiqte drejtorinë e kundër-zbulimit asokohe në Shërbimin Informativ të Kosovës (ShIK).

Në fakt, ministri Agani kishte kërkuar nga kryeministri që ta lirojë nga detyra deri në një vendim të prerë të gjykatës.

(Kosova Sot)