Digjet shtëpia, marrin lëndime burrë e grua
Policia e Kosovës ka njoftuar se nga djegia e një shtëpie në Klinë ka pësuar lëndime një burrë dhe një grua, të cilët kanë pranuar trajtim mjekësor.
“Është përfshirë nga zjarri një shtëpi, pronë e viktimës mashkull K-Shqiptar. Si pasojë e zjarrit dy viktima një mashkull dhe një femër K-Shqiptare kanë pësuar lëndime trupore dhe kanë pranuar tretman mjekësor”, thuhet në raport.
Sipas viktimës, dyshohet se shkaktar i zjarrit mund të jetë energjia elektrike, por që mbetet të hetohet nga zyrtarët kompetent, ndërsa vlera e dëmit të shkaktuar nuk dihet.
(Kosova Sot)