Bajrami: S'janë votat për ta ratifikuar demarkacionin sonte
Deputetja e Kuvendit të Kosovës nga radhët e Lidhjes Demokratike të Kosovës, Hykmete Bajrami, ka folur për zhvillimet e fundit në Kuvendin e Kosovës, ku po mbahet një seancë e jashtëzakonshme për demarkacionin e kufirit ndërmjet Kosovës dhe Malit të Zi.
Bajrami ka thënë se nuk pret që Projektligji për demarkacionin të paraqitet për votim sot para deputetëve.
Sipas Bajramit, nuk janë siguruar votat e mjaftueshme, që ky projektligj të kalojë sonte.
Në Kuvendin e Kosovës po vazhdon seanca për demarkacionin, me diskutime ndërmjet deputetëve për këtë çështje.
(Kosova Sot)