Telefonata e “fqinjëve” i bën “gropën” 53 vjeçarit
Policia e Dibrës goditet një tjetër rast të armëmbajtjes pa leje.
Pas telefonatës së qytetarëve një 53 vjeçar, i cili mbante armë zjarri pistoletë pa leje në banesë u vu në pranga.
Në cilësinë e provës matriale u sekuestrua një armë zjarri pistoletë TT dhe 93 copë fishekë
Hasan Koltraka, 53 vjeç, banues në fshatin Arras-Dibër dyshohej se mbante armë zjarri pa leje, ku menjëherë shërbimet e Komisariatit të Policisë Dibër kanë organizuar punën duke ushtruar kontroll në banesën e tij , ku kanë gjetur të fshehur një armë zjarri pistoletë TT, 3 krëhëra të mbushura me fishekë, dhe një kuti me 44 copë fishekë, gjithësej 65 copë fishekë pistolete.
Gjithashtu janë gjetur edhe 28 fishekë arme gjahu.
Arma e zjarrit sëbashku me municionin është sekuestruar në cilësinë e provës materiale .
Materialet proceduriale do ti referohen Prokurorisë Rrethit Gjyqësor Dibër, për veprën penale " Mbajtje pa leje dhe prodhimi i armëve, armëve shpërthyese dhe i municionit", parashikuar nga neni 278/2/3 të Kodit Penal.
(Kosova Sot)