Politikanët e papërgjegjshëm po ia vënë flakën shtetit
Shfaqje e shëmtuar në Kuvendin kukull të Republikës
Selmani: Nga seanca e fundit, Kosova nuk ka Kuvend dhe Qeveri
Analistët thonë se qytetarët e Kosovës nuk kanë më nevojë për një Kuvend të tillë, të devalvuar, dhe një Qeveri të degraduar. Ata shprehen se sa më shpejt që Qeveria të tërhiqet, aq më mirë do të jetë për vendin, sepse kjo Qeveri dhe ky Kuvend nuk kanë më legjitimitet
Seanca e së premtes, që zgjati deri të shtunën pas mesnate, ishte një pasqyrë e qartë se politikanët e Kosovës rrezikojnë edhe zhbërjen e shtetit për interesat e tyre meskine dhe të inkriminuara. Këta politikanë të papërgjegjshëm nuk punojnë fare për interesa të vendit, por, pasi që për shumë kohë e kanë kapur shtetin, punojnë vetëm për interesa personale dhe të oligarkive të instaluara korruptive e kriminale në tërë vendin. Ata mund të rrezikojnë vendin që sërish të kthehet në protektorat, pikërisht për shkak të paaftësisë dhe jokompetencës së këtyre politikanëve për të menaxhuar shtetin me ligje e Kushtetutë. Në fakt, edhe analistët mendojnë se kjo Qeveri e ka humbur legjitimitetin dhe duhet të bjerë, sidomos pas ngjarjeve të 23/24 tetorit 2015 në Parlamentin kukull të Republikës së Kosovës. Vazhdimi i saj i mëtutjeshëm vetëm mund të acarojë gjendjen e tensionuar gjithandej në Kosovë. Skenat e parmbrëmshme tregojnë se këta pushtetarë dhe kjo klasë politike nuk e duan ndërtimin e shtetit ligjor, nuk e duan stabilitetin dhe funksionalitetin e mirëfilltë të shtetit, por aty janë vetëm për interesa të tyre dhe grupeve kriminale që u takojnë. Pas asaj që është dëshmuar parmbrëmë në ndërtesën e Kuvendit dhe rreth saj, pas asaj që populli apo sovrani ka parë në sallën e Kuvendit si rezultat i veprimeve të pozitës dhe opozitës në Parlament, vendit do t'i bënte mirë që sa më shpejt të zgjedhë një qeveri teknike të përkohshme dhe që brenda 6 muajsh të shkohet në zgjedhje të parakohshme, që te sovrani të marrë besimin eventual përmes votimeve, shpresohet pa mashtrime, pa blerje dhe pa vjedhje industriale të votave...(Më gjerësisht mund t'a lexoni në numrin e sotëm të gazetës KOSOVA SOT)
