Kjo ka ndodhur për herë të parë në Shqipëri, martohen dy gra

Dy gra u martuan publikisht të dielën në Tiranë. Lajmi u bë publik në rrjetet sociale nga Aleanca LGBT. Ceremonia e martesës së dy grave u bë në taracën e Bashkisë së Tiranës. Çifti u bekua edhe nga një prift, transmeton "Kosova Sot Online ".

Në postimin në rrjetet sociale, aleanca LGBT shkroi se Eda dhe Alba kurorëzuan dashurinë e tyre 14-vjeçare dhe se janë prindër të dy fëmijëve. 

Lexoni edhe:

 Berisha për 'The Frontliner': Po minohet sovraniteti i Kosovës

“Ditën e djeshme Eda dhe Alba kurorëzuan dashurinë e tyre 14 vjeçare nga e cila erdhën në jetë dy engjëj dhe sot bota vazhdon të rrotullohet. Asnjë skenar apokaliptik i predikuar nga inkuizitorët e moralit për të nxitur panik kolektiv për shpopullimin dhe shkatërrimin e botës nuk ndodhi. Këtë mëngjes të hëne, toka vazhdon të rrotullohet rreth diellit normalisht. Qofshi përgjithmonë të lumtura Eda dhe Alba. Dashuria do të triumfojë gjithmonë”, shkruhet në postim.

1 / 2

2 / 2

(Kosova Sot Online )