Rrahin qytetarin, arrestohen dy taksistë në Prishtinë
Policia e Kosovës ka bërë të ditur se ka arrestuar dy taksistë nga Prishtina, të cilët pas një mosmarrëveshje e kanë sulmuar fizikisht një qytetar me mjete të forta.
Sipas policisë, ngjarja ka ndodhur në rrugën Fehmi Lladrovci, në Prishtinë, kurse viktima e cila ka pësuar lëndime të rënda trupore dhe i njëjti ka pranuar tretman mjekësor, transmeton gazeta Kosova Sot Online.
“Janë arrestuar dy të dyshuar meshkuj K-Shqiptar, taksistë, pasi të njëjtit pas një mosmarrëveshje rreth udhëtarëve, e kanë sulmuar fizikisht me mjete të forta – shufra metalike viktimën mashkull K-Shqiptar. Viktima ka pësuar lëndime të rënda trupore dhe i njëjti ka pranuar tretman mjekësor. Me urdhër të prokurorit të dyshuarit dërgohen në mbajtje”, thuhet në njoftimin e PK-së.
(Kosova Sot)