Dhjetë gjëra që duhet t’i dini për gomarët - OK KIDS - Kosova Sot
Dhjetė gjėra qė duhet t’i dini pėr gomarėt

Dhjetė gjėra qė duhet t’i dini pėr gomarėt

1. Gomarët janë kafshë që e pëlqejnë shoqërinë e njerëzve dhe të gomarëve të tjerë. Nëse janë vetëm, mund të bien në depresion.

2. Gomarët mund të jetojnë deri në 25 - 35 vjet, por në vendet e pazhvilluara, ku ngarkohet me punë të mëdha, zor se mund ta arrijnë moshën 10-vjeçare.

3. Gomarët e kanë një kujtesë shumë të mirë dhe mund t’i kujtojnë gomarët e tjerë, apo vendet që i kanë parë para 25 vjetëve.

4. Gomarët nuk kanë gëzof të qëndrueshëm në ujë, prandaj nuk u pëlqen të rrinë në shi për një kohë të gjatë.

5. Në pushimoret bregdetare britanike punojnë rreth 800 gomarë, kurse rreth 200 sish punojnë në plazhin e Blekpulit.

6. Kur jetojnë në bashkësi, gomarët e zgjedhin më të fortin nga mesi i tyre që t’i udhëheqë ata. Nëse tufa e gomarëve sulmohet nga ujqit apo grabitqarët e tjerë, atëherë mu lideri i tufës do të ballafaqohet me sulmuesit, duke u mundësuar të tjerëve që të ikin dhe të shpëtojnë.

7. Gomarët që përdoren për punë, shpesh ngarkohen me barrë tepër të rëndë.

8. Në vendet e varfra, gomarët nuk janë të shtrenjtë për t’u blerë, prandaj njerëzve më shumë u konvenon që ta blejnë një gomar tjetër, sesa ta mjekojnë gomarin e sëmurë, apo të lënduar.

9.  Dhembja është shkaktar i shpeshtë i problemeve me sjellje të gomarit - artriti apo dhembja e shpinës mund të jenë shkaktarë të kokëfortësisë së njohur të gomarit.

10. Gomarët janë kafshë inteligjente, të cilat mund të mësojnë njësoj sikur qentë dhe macet, apo delfinët. 

(Kosova Sot)

12 orë e 52 minuta më parë
21/01/18
aaaaaaaa