Raporti i Freedom House me akuza alarmante kundër Hashim Thaçit dhe Ramush Haradinajt të diskutohet në Kuvendin e Kosovës

Shkruan: Dardan Grapci

Sa i përket raportit për lidhjet e tyre me krimin e organizuar dhe korrupsionin ajo ka qenë e ditur që nga paslufta se janë korruptuar dhe kanë korruptuar edhe struktura policore, ato të gjyqësorit dhe KQZ-s vetëm që ta mbajnë peng Kosovën që ky shtet mos të përparojë.

-Raporti fundit i Freedom House nuk bënë të mbetet pa u analizuar dhe pa u raportuar e debatuar edhe brenda Kuvendit të Kosovës sepse ka akuza serioze për liderët kryesor politik të krahut të luftës, ish Presidentin Hashim Thaçi dhe ish Kryeministrin Ramush Haradinaj, i pasi jashtë angazhimit politik duke u ballafaquar në Gjykatën e Hagës, kurse i dyti, në mandatin e deputetit të Kuvendit të Kosovës.

Lexoni edhe:

Diplomacia kosovare të zgjohet nga gjumi

Diskutimi në kuvend për këtë raport duhet të bëhet derisa udhëheqësit ushtarak të ish- Ushtrisë Çlirimtare të Kosovës akoma po mbahen, po gjykohen, derisa nuk shpallen fajtor apo të pafajshëm nga Gjykata e Hages.

Sa i përket raportit për lidhjet e tyre me krimin e organizuar dhe korrupsionin ajo ka qenë e ditur që nga paslufta se janë korruptuar dhe kanë korruptuar edhe struktura policore, ato të gjyqësorit dhe KQZ-s vetëm që ta mbajnë peng Kosovën që ky shtet mos të përparojë. Gjithashtu dihet shume qartë që biznesmenët janë ata që i kanë mbajtur dhe po i mbajnë këta politikane në fron dhe krye të shtetit, për interesa të tyre klanore dhe mafioze, por edhe për qëllime të tjera që ende nuk dihen për to. Prandaj qytetaret duhet të distancohen nga këta lider dhe le të mendojnë mirë se cilit lider ti besojnë në të ardhmen.

Shkrimet në këtë rubrikë nuk shprehin qëndrimet e gazetës "Kosova Sot Online".