Receta e Cekës: Qofte të skuqura

Në masën e mishit të bluar dy herë, hidhen qepa, veza, buka e ulur në qumësht ose ujë dhe e troshitur, kripë, piper dhe majdanoz. Masa përzihet mirë dhe lihet anash gjersa të përgatiten perimet të cilat i shoqërojnë qoftet. Përgatiten qoftet e madhësisë së dëshiruar në formë të rrumbullakët ose vezake. Qoftet skuqen në vaj të nxehtë nga të dyja anët. Ato mund të kalohen në miell, pastaj të skuqen. Shërbehen të nxehta me pure patatesh, patate të skuqura, pilaf, ose perime të tjera, të ziera e të kaluara në gjalpë.

Lexoni edhe:

Shqipe Abazi nuk ndalon - publikon këngen e re 'Fajet kush i ka'

Përbërësit:

1/2 kg mish të bluar mëshqerre, 1 qepë e kaluar në rende, 1 fetë bukë bajate, 1 vezë, 1/2 tubë majdanoz të grirë hollë, kripë, piper, sipas dëshirës piper djegës me fara, 2 lugë miell, vaj për fërgim.

(Kosova Sot Online)