Pemët dhe perimet, të cilat duhet t’i konsumoni gjatë muajit shtator
Tashmë moti ka filluar të jetë më i freskët, prandaj në vijim ju sjellim pemët dhe perimet më të shijshme dhe më të shëndetshme, që duhet t’i konsumoni gjatë muajit shtator
Mollët
Mollët përmbajnë shumë pak yndyra të ngopura, kolesterol dhe natrium. Janë burim i shkëlqyeshëm për fibra dietale dhe vitamina C. Mollët vetvetiu janë të shijshme, por gjithsesi se mund t’i kombinoni edhe me shumë ushqime të tjera.
Dardhat
Dardhat po ashtu përmbajnë sasi të vogla të yndyrave të ngopura, kolesterol dhe natrium. Janë burim i shkëlqyeshëm me vitamina C dhe fibra dietale. Dardhat janë të këndshme dhe të shijshme në përgatitjen e desertëve,sepse mjaft mirë përshtaten me të gjitha llojet e pemëve dhe perimeve.
Fiku
Fiku është shumë pak i pasur me yndyra të ngopura, kolesterol dhe me natrium. Sipas ekspertëve, është burim i mirë për fibra, vitamina B6, K, E, mangan dhe kalium. Fiku është tash më i shijshmi, prandaj edhe është momenti që të filloni ta konsumoni.
Rrushi
Përmban shumë pak yndyra të ngopura, kolesterol dhe natrium. Është burim i mirë për vitaminat C dhe K. Rrushi është më i shëndetshmi në këtë periudhë kohore, sepse përmban shumë më pak pesticide, që dëmtojnë shëndetin.
Lajthitë
Lajthitë përmbajnë shumë pak kolesterol dhe natrium. Janë burim i hatashëm për vitamina E dhe bakër, e po ashtu edhe për mangan. Lajthitë rregullojnë shijen e secilës gjellë, dhe po ashtu janë të shkëlqyeshme në përgatitjen e desertëve.
Arrat
Përmbajë shumë pak kolesterol dhe natrium. Janë burim i mirë i bakrit, e po ashtu edhe i manganit. Arrat janë një ndër burimet më të mira për aminoacidet omega 3, që janë të domosdoshme në kujdesin ndaj zemrës dhe enëve të gjakut.