Lexoni edhe:
Kurti për Projektligjin për tërheqjen e Trustit: E di që s’kalon
Caktohet data e testeve mjekësore të Pogbas te Juventusi
Sipas Sky Sport Italia, një takim vendimtar mes drejtorëve të Juventusit dhe përfaqësuesit të Paul Pogba ka përfunduar dhe francezi do t’i nënshtrohet testeve mjekësore me bardhezinjtë në javën e parë të korrikut.
Takimi u zhvillua në Milano dhe të dy palët rregulluan detajet financiare të operacionit që do të çojë në kthimin e Pogbas në Allianz Stadium gjashtë vjet pas transferimit të tij prej 100 milionë euro në Manchester United.
Të dy palët duhet vetëm të bien dakord për kohëzgjatjen e kontratës: një marrëveshje trevjeçare, e cila mund të vijë me një opsion për një sezon të mëtejshëm.
Sipas raportit, Pogba do të jetë në Itali midis 5 dhe 8 korrikut për t’i nënshtruar testeve mjekësore me gjigantët e Serie A.
Kjo do të jetë periudha e tij e dytë në klub, duke pasur parasysh se ai ishte bashkuar tashmë me Juventusin si lojtar i lirë nga Manchester United në vitin 2012. Ai shënoi 34 gola në 178 paraqitje me Bianconerët.
(Kosova Sot Online )
