Lexoni edhe:
Xhaka pranon se ndaj Kosovës është ndeshje e veçantë
Javë vendimtare për “play-off” në NBA
Sezoni i rregullt në NBA po shkon drejt fundit, teksa do të luhet edhe përgjatë kësaj jave para se të vendoset fati i skuadrave që do të vazhdojnë në fazën “play off”, transmeton "Kosova Sot Online ".
Boston Celtics e ka siguruar edhe matematikisht vendin e parë në Konferencën e Lindjes dhe të drejtën e zhvillimit të më shumë ndeshjeve në fushën e tij.
Ndërsa në Perëndim gjithçka është ende e hapur, me tri skuadra që ndahen nga një fitore mes tyre.
Po ashtu, pesë ekipe luftojnë për vendin e gjashtë dhe të fundit që të kualifikon mes gjashtë më të mirave.
Siç dihet, gjashtë skuadrat e para shkojnë direkt në çerekfinalet e “play off”-it, në të dy Konferencat.
Ndërsa ekipet e klasifikuara në vendet 7-10 do të luajnë në “play in” për të siguruar dy biletat e fundit në secilën Konferencë.
Në të dyja Konferencat janë zyrtarizuar edhe skuadrat që i kanë thënë lamtumirë turneut.
Në Konferencën e Lindjes, ekipet e Brooklyn Nets, Washington Wizards e Detroit Pistons janë eliminuar.
Ndërsa në Perëndim, ekipet që i kanë thënë “lamtumirë” fazës “play off” janë Houston Rockets, Utah Jazz, Memphis Grizzlies, Portland Trail Blazers e San Antonio Spurs.
Faza “play in” do të luhet në datat 16-19 prill.
(Kosova sot Online )
