Shady lady! (Foto)
Rosie Huntington-Whiteley kishte vënë syze të diellit gjatë kthimit të saj me stil në Los Anxheles.
Është e vërtetë se ta vështirësojnë shikimin gjatë natës, por syzet e diellit megjithatë e shtojnë shikun në pamjen e përgjithshme. Rosie Huntington-Whiteley u kthye në Los Anxheles të mërkurën mbrëma duke u dukur paksa e lodhur, por me shumë stil, transmeton gazeta Kosova Sot.
Bukuroshja 29-vjeçare dukej se ishte për ngutë, me gjasë për ta parë të fejuarin e saj, Jason Statham, me të cilin u fejua në fillim të vitit. Duke u përqendruar më shumë te stili, sesa te rehatia, bukuroshja britanike ishte përcaktuar për mbathje me taka të larta, derisa në dorë kishte një çantë të markës "Celine". Në ndërkohë, u bë e ditur se bukuroshja është fytyra e re e koleksionit vjeshtë/dimër të markës së njohur "Bvlgari".
(Kosova Sot)