Ups! “Google” dhe “Meta” paditen me shifrat marramendëse nga gjykata ruse

Një gjykatë ruse gjobiti “Google” gati 100 milionë dollarë ditën e sotme për “dështim sistematik për të hequr përmbajtjen e ndaluar”, dënimi më i madh i tillë deri më tani në vend pasi Moska përpiqet të frenojë gjigantët e teknologjisë perëndimore.

“Gjoba u llogarit në bazë të të ardhurave vjetore të Google”, tha gjykata.

“Roskomnadzor”, rregullatori rus i Internetit, i tha gjykatës se xhiroja e Google për vitin 2020 në vend tejkaloi 85 miliardë rubla, ose rreth 1.15 miliardë dollarë.

“Meta Platforms”, kompania mëmë e “Facebook” dhe “Instagram”, u gjobit rreth 27 milionë dollarë, gjithashtu për refuzimin për të hequr përmbajtjen e ndaluar, disa orë pas vendimit të Google.

Gjobat përfaqësojnë një përshkallëzim në shtytjen e Rusisë për të ushtruar presion ndaj firmave të huaja të teknologjisë që të respektojnë rregullat e saj gjithnjë e më të rrepta për atë që ajo e konsideron përmbajtje të paligjshme – veçanërisht aplikacionet, faqet e internetit, postimet dhe videot në lidhje me rrjetin e liderit të opozitës të burgosur Alexei Navalny, i cili është etiketuar si ekstremist në vend.

Videot e njohura të Navalny mbi korrupsionin në rrethin e brendshëm të Presidentit Vladimir Putin mund të aksesohen ende në YouTube, i cili është në pronësi të Google, në Rusi.
Hetimi i Navalny “Pallati i Putinit”, në lidhje me një rezidencë luksoze në Detin e Zi që Navalny pretendonte se ishte ndërtuar për Putinin është parë më shumë se 120 milionë herë.

(Kosova Sot Online)