'Bisha' me energji diellore del në treg këtë verë

Një makinë me energji diellore ka udhëtuar qindra kilometra me një karikim të vetëm, duke shënuar një moment historik drejt automjetit “më efikas dhe më të qëndrueshëm në botë”. Lightyear One përshkoi 400 km me 130 km /orë përpara se të duhej të rimbushej gjatë testeve në Aprilia muajin e kaluar.

Testet e mëparshme të kryera me një shpejtësi më të ulët panë se makina elektrike përshkoi më shumë se 700 km. Lightyear pretendon se makina e saj do t’i lejojë klientët të “ngasin me muaj pa karikim” dhe shpreson t’u dorëzojë automjetet e para klientëve deri në mesin e 2022.

“Ne kemi arritur një konsum energjie prej 141 vat orë për kilometër. Çfarë do të thotë kjo është se me një karikim, ju do të jeni në gjendje të vozitni për mbi 400 km. Për shembull, nga Amsterdami deri në Luksemburg,” tha Megan Parfitt, koordinatore e testimit të automjeteve në Lightyear.

(Kosova Sot Online)