Lexoni edhe:
Gjesti e 'puth' Eglin në mes të skenës
Ja pse Ministria e mbrojtjes e Francës i është drejtuar Renault-it
Ministria e mbrojtjes e Francës i është drejtuar Renault-it në lidhje me mundësinë e ndihmës në prodhimin e dronëve.
Kështu, siç raportojnë mediat e huaja, tha prodhuesi i automjeteve të dielën, pasi ministria javën e kaluar hodhi idenë se kompanitë franceze mund të ndihmonin me prodhimin në Ukrainë.
“Ne jemi kontaktuar nga ministria e mbrojtjes në lidhje me mundësinë e prodhimit të dronëve. Janë zhvilluar diskutime, por nuk është marrë asnjë vendim në këtë fazë, pasi po presim detaje të mëtejshme mbi këtë projekt nga ministria”, ka thënë Renault në një deklaratë për Reuters.
Më herët të dielën, faqja e internetit franceze e lajmeve Franceinfo raportoi se prodhuesi francez i makinave pritej të prodhonte dronë në Ukrainë.
E pyetur në lidhje me raportin, ministria i tha Reuters se i takon prodhuesit të makinave, pa e emëruar atë, të thotë nëse do të marrë pjesë.
Gjithashtu pa emëruar asnjë kompani, ministri i Mbrojtjes, Sebastien Lecornu i tha kanalit francez të lajmeve LCI të premten se Franca do të krijojë një partneritet midis një prodhuesi të madh francez të makinave dhe një firme të vogël mbrojtëse për të pajisur linjat e prodhimit në Ukrainë për ndërtimin e dronëve.
Dronët kanë luajtur një rol të rëndësishëm në mbrojtjen e Ukrainës që nga pushtimi në shkallë të plotë i vendit nga Rusia në vitin 2022, duke ofruar aftësi mbikëqyrjeje dhe sulmi që kanë formësuar taktikat e betejës kundër forcave ruse.
(Kosova Sot Online)
