43-vjeçari: A jam budalla që po i besoj dashurisë sime të parë përsëri pasi më tradhtoi 15 vjet më parë?

Dashuria e parë nuk harrohet lehtë, por kur tradhtia është në mes, shpesh ndarja zgjat përgjithmonë. Por ky 34-vjeçar rrëfen për “The Sun” se si e dashura e tij e parë u rikthye tek ai pas 15 vitesh që e tradhtoi.

“Unë kam filluar të takohem me dashurinë time të parë përsëri pavarësisht faktit se ajo më tradhtoi 15 vjet më parë me shokun tim më të mirë. A jam një budalla që i besoj asaj sërish?

Ne u takuam në universitet 18 vjet më parë kur ishim 19 vjeç dhe qëndruam së bashku për tre vjet para se ajo të më tradhtonte.

Ajo më tha se ndodhi për shkak se shkëndija mes nesh ishte zhdukur, por më vonë zbulova se ajo më kishte tradhtuar dy herë me shokun tim. Ata vazhduan takimet për katër vjet.

Ishte poshtëruese dhe më duhej pak kohë për ta kapërcyer atë. Kisha imagjinuar një të ardhme me të, dhe humbja e shokut tim më të mirë në të njëjtën kohë më goditi rëndë.

Por u dashurova përsëri me një vajzë të mrekullueshme nga puna. Ne u takuam për dy vjet derisa kuptova se ajo gjithashtu më kishte tradhtuar.

Ajo ishte në dush kur në telefon i doli një mesazh që shkruante: “Mezi po e pres këtë fundjavë. Do të jetë e veçantë.”

Ajo më kishte thënë se do të shkonte në një konferencë pune, por kur unë u përballa me të, pranoi se në të vërtetë do të shihte njeriun me të cilin ishte shoqëruar për gjashtë muaj.

Fillova të pyes veten nëse do të kisha besim ndonjëherë tek një partnere dhe i kalova vitet e ardhshme duke punuar me veten time.

Kam humbur shumë kilogramë, kam udhëtuar dhe kam blerë shtëpinë time të parë. Isha i lumtur dhe beqar.

Pastaj, mora një mesazh nga e dashura ime e parë. Ajo më shkroi se i mungoja dhe se dëshironte të takoheshim. Brenda një muaji u kthyem së bashku. Mendoj se do të përfundojë në të njëjtën mënyrë si më parë.

A jam budalla që kam marrë dikë që më tradhtoi?”

“Dear Deidre” thotë:

“Kur jeni lënduar më parë, është normale të shqetësoheni se e njëjta gjë mund të ndodhë përsëri.

Por ai gabim ishte 15 vjet më parë kur të dy ishit të rinj. Të dy jeni njerëz të ndryshëm sot.

Unë jam i sigurt që partneri juaj e di se ishte një gabim dhe shpresoj se ka mësuar nga veprimet e saj, por ndoshta ju duhet ta dëgjoni këtë nga ajo.

Shpjegojini se keni frikë se mos lëndoheni përsëri dhe se ajo do të duhet të fitojë besimin tuaj. Kjo është një pjesë themelore e çdo marrëdhënieje të shëndetshme.

Dëgjoni gjithashtu atë që ajo ka nevojë nga ju, pasi kjo do të jetë e rëndësishme për ndërtimin e një marrëdhënieje të fortë.”

(Kosova Sot Online)