Lexoni edhe:
Ngjarje e vërtetë: Mundoheshin të na ndanin me anë të porosive anonime (2)
- Fqinje, a mos ndoshta jeni për kafe - u mundova ta ruaj gjakftohtësinë. Vetëm edhe ajo më nevojitej, u zemërova unë derisa po lutesha të mos pranonte. - Tashmë kam pirë disa kafe por, nëse të pihet edhe ty, ti ziej - mu përgjigj. - Shih sa bukur, me sa po e shoh keni ngjyrosur edhe flokët? Sa mirë të përshtatet ngjyra e errët. Me siguri se edhe Salihut ky ndryshim do t'i pëlqejë. Tash thuajse ka një bashkëshorte të re - e kishte vërejtur paksa më vonë derisa po uleshim duke mbushur kafenë e tretë rresht, e sytë në mënyrë të çuditshme po i shkëlqenin. Të njëjtin moment po e ndjeja veten time thuajse më kishte goditur rrufeja. Më nuk ka kurrfarë dyshimi.
Më duket se edhe fqinja ime po e dinte për dashnoren e Salihut, në të kundërtën nuk do të më shikonte me këtë shikim. Me sa duket vetëm unë nuk e di se për çfarë po bëhet fjalë. Kështu e poshtëruar po mendoja unë e në sy po më rridhnin lotët. Një orë më vonë, pasi që fqinja po më shpjegonte gjithçka që kishte ndodhur në njëzet e katër orët e kaluar, përfundimisht i kishte shkuar në mend të shkojë në shtëpi. Pasi që Laurën e kam përgatitur për në gjumë, vendosa t'i pastroja flokët kur përsëri m'u "ngjall" telefoni mobil. Duke qëlluar se përsëri ishte numri anonim me porosi, disi më kaploi një djersitje e ftohtë. Çfarë po ndodh, nuk po më beson? Me të vërtetë beson se vikendet i kalon me miq? Ha ha ha, sa naive je.
Ngjarje e vërtetë: Mundoheshin të na ndanin me anë të porosive anonime (2)Lexoni edhe:
Por, për këtë jam unë këtu, që të ndihmoj. Do t'i dërgoj faktet që të bindesh rreth asaj se si burreci juaj i dashur po të tradhton. Tung, miku - po shkruante porosia. Derisa unë po dridhesha e shokuar, aq shumë po më rrihte zemra thuajse dëshironte të dilte nga gjoksi. Kushdo që të mi ketë dërguar këto porosi, dukej se fare mirë po i njihte lëvizjet e Salihut, pasi që shumë mirë po i përshtate gjërat. Pasditet e vikendeve shpeshherë i kalonte me miqtë e tij, duke pirë kafe, por pasi që ishte bashkëshorti dhe baba i mirë, kurrë nuk kam vërejtur asgjë të keqe. Vetëm tani e kisha të qartë se sa shumë kam gabuar që kaq verbërisht u kam besuar fjalëve të tij.
O Zoti im, kush mund të jetë ky njeri? Sikur krejt kjo me Salihun të jetë e vërtetë, askush nuk ka të drejtë të futet në jetën tonë dhe të na shqetësojë në këtë mënyrë, po mendoja unë duke e thirr shërbimin e porosive. Për fat të keq, krejt çfarë munda ta vërtetoj ishte se porositë po vinin nga një numër i pa lajmëruar. Derisa erdhi Salihu unë kam pirë dy aspirina, por isha shumë e mllefosur për të më ndihmuar. - Hej, unë kam menduar se tashmë je në gjumë - filloi kështu bashkëshorti im duke hyrë në dhomën e ditës derisa unë ia kisha hapur sytë ekranit të fikur të televizorit. Unë e vërejta se ai ishte i zbehur. Me sa duket, dashnorja të paska lodhur shumë, po mendoja unë me veten time, ashtu e mllefosur me të. Më me dëshirë do t'ia thosha gjithçka në fytyrë, por unë kisha vendosur që të më vinte edhe ndonjë porosi tjetër. Dëshiroja që të jem plotësisht e sigurt se Salihu po më tradhtonte e më pas ta marr vendimin e duhur. Ditëve të ardhshme pothuajse kisha ndaluar së jetuari.
Nervat më kishin lëshuar. Po dridhesha në secilën porosi që e pranoja megjithëse tash e një kohë "miku i panjohur" nuk u bë i gjallë. Salihu e kishte vërejtur nervozën time sepse gjatë atyre ditëve ai ishte shndërruar në person të heshtur. Sjelljen e tij e plotësoja me faktin se ai ishte i dashuruar në një grua, por se nuk kishte guxim të ma thoshte këtë. Me kalimin e kohës, jeta ime ishte shndërruar në një ferr të vërtetë. Kaloi një javë, e dyta dhe e treta. Tashmë kisha filluar të besoj se porositë e dërguara ishin vetëm një shaka pa kripë e dikujt, e një ditë tjetër, derisa Salihu ishte në kopsht, mua më erdhi një porosi e re. (vijon)
(Kosova Sot Online)