Kelmendi: Kur opozita denoncon pozitën,mund t'u dalin veprimet e tyre të bëra kundërligjshem

Prof. Muhamet Kelmendi, ish-deputet i legjislaturës së parë të Kuvendit të Kosovës, thotë se opozita e tanishme në Kosovë, qoftë LDK, qoftë VV, sikundër edhe PSD, ishin dhe janë në pushtet në kuadër të organeve qendrore dhe lokale në Kosovë, prandaj duke qenë kështu kjo opozitë në faza të caktuara kohore ka kryer edhe veprimtari antiligjore, duke u pasuruar së tepërmi dhe këndej edhe i ka punësuar njerëzit e vet nëpër institucione e pozita të ndryshme, andaj nuk ka se çka i thotë pozitës."Dihet që fillimisht e tërë diplomacia është e mbushur me njerëz të PDK-së dhe të LDK-së. Askund nuk ka ndonjë kuadër të përgatitur dhe që ka afinitet në punën diplomatike. Kështu është gjendja edhe brenda vendit. Në pushtetin qendror, opozita ka shumë njerëz. Opozita ka shumë pushtet në atë nivelin lokal gjithandej nëpër komuna të ndryshme ku ka fituar pushtet. Atje edhe po keqpërdoren mjetet e popullit në përmasa të mëdha. Kontrollimi i buxhetit nëpër komuna është pothuajse shumë i ulët ose fare nuk bëhet. Kjo veprimtari e ka ndaluar dhe e ndalon opozitën edhe në Kuvendin e Republikës në kryerjen e detyrës opozitare", u shpreh ai. "Kurdo kur këta mund të deklarohen e të denoncojnë pozitën, mund t'u dalin veprimet e tyre të bëra kundërligjshëm. Ndërsa, nuk ka ligj dhe marrëveshje, e cila nuk është e miratuar tani nga deputetët e LDK-së. Tash edhe PSD me Shpendin është pozicionuar po kështu. Kjo parti po e keqpërdor me të madhe pushtetin në Prishtinë. Këtu kemi vjedhje, keq menaxhim, lidhje mafioze dhe kriminale. Me një fjalë: "Mos e vetë se të kallëzon vetë". Shikoji pasurinë e të parëve të LDK-së dhe të PSDK-së. Kudo vjedhje", tha prof. Muhamet Kelmendi për "Kosova Sot".