Turqia godet Francën rreth vendimit për të shënuar gjenocidin armen
Ministri i jashtëm i Turqisë ka kritikuar vendimin e Francës për të shënuar 24 prillin si ditë të përkujtimit për gjenocidin armen, duke thënë se Franca duhet të kujtojë historinë e saj të errët.
Mevlut Cavusoglu u shpreh të premten gjatë një bisede të tensionuar me një deputet francez në një takim të NATO’s në Turqi, një ditë pasi vendimi i presidentit francez Emmanuel Macron është publikuar në gazetën zyrtare të Francës.
Shume historianë konsiderojnë vrasjet masive të armenëve nën Perandorinë Osmane një shekull më parë si gjenocidin e parë të shekullit 20, shkruan FoxNews.
Turqia e refuzon termin gjenocid, duke pretenduar se ata që janë vrarë kanë qenë viktima të luftës civile.
Cavusoglu tha se “Franca është vendi i fundit që t’i tregoj Turqisë mbi gjenocidin dhe historinë. Ne nuk kemi harruar çfarë ka ndodhur në Ruandë dhe Algjeri”.
(Kosova Sot)