Policia jep detaje për aksidentin me të lënduar në rrugën Prishtinë-Podujevë

Një aksident trafiku në mes të një veture dhe një fugoni ka ndodhur sot në magjistralen Prishtinë-Podujevë, saktësisht në fshatin Lluzhan. Si pasojë e këtij aksidenti, lëndime trupore kanë marrë tre persona

Rastin për media e ka konfirmuar edhe Zëdhënësja e Policisë për Rajonin e Prishtinës, Flora Ahmeti.

“Rreth orë 13:00 në rrugën Prishtinë-Podujevë, saktësisht në fshatin Lluzhan, ka ndodhur një aksident trafiku në mes të një veture dhe një fugoni. Si pasojë e aksidentit ndihmë mjekësore kanë kërkuar tre persona, me rastin po merret njësiti i trafikut”, ka thënë Ahmeti.

(Kosova Sot)