E thotë Haziri: Aksioni I policisë në veri, plan i Thaçit dhe Vuçiqit!

  • 30 maj 2019 - 09:00
E thotë Haziri: Aksioni I policisë  në veri, plan i Thaçit dhe Vuçiqit!

“Nuk duhet përjashtuar edhe versioni që I tërë aksioni I policisë së Kosovës në veri të vendit të jetë I orkestruar nga Prishtina , në veçanti nga presidenti Thaçi dhe ai serb Vuçiq, sidomos tani para takimit të Parisit që do të jetë vazhdimësi I samitit të Berlinit. Nëse është ky version atëherë mund të konstatojmë se presidenti Thaçi nuk ka hequr dorë nga ideja ruso-serbe për ndarjen e Kosovës dhe duke e tensionuar dhe provokuar situatën atje”, tha analisti politik Nexhat Haziri për "Kosova Sot Online”

Analisti politik Nexhat Haziri konsideron se aksioni i fundit policor në veri të Kosovës, që rezultoi me disa të arrestuar për krim dhe kontrabandë, gjë që atje ndodhë tash e dy dekada pa asnjë pengesë, gjithsesi që është i koordinuar me autoritetet serbe në Beograd, por cilat do të jenë pasojat duhet kohë për të pritur rezultatin.

Image

 

“Se a ishte I koordinuar në mes presidentëve Thaçi dhe Vuciq aksion i intervenimit të policisë së Kosovës në pjesën veriore të vendit dhe arrestimin e personave të involvuar në krim të organizuar , dhe cila ishte prapavija e tij, për të ardhur deri te një konstatim i tillë duhet pritur edhe zhvillimet që do të pasojnë më vonë, sidomos rastet nëse do të procedohen më tutje dhe me to tani të merren organet e drejtësisë”, tha Haziri për “Kosova Sot Online”.

 

Sido qoftë, ai është i sigurt që ky aksion, bazë fillestare ka edhe mbulimin e skandaleve në institucionet e shtetit që po ndodhin pa ndërpre , për të vazhduar tutje me prapaskenat tjera të rrezikshme që mundë të jenë edhe pazaret me shtetin serb.

“Mbase të tilla aksione si mbulesë apo për ta tërhequr vëmendjen e opinionit nga skandalet në institucionet tona, janë bërë kohë më parë, por mendoj se për të ardhur deri te konstatime duhet pritur rrjedhën e procesit tashmë kur fjalën e vetë duhet ta thonë institucionet e drejtësisë. Megjithatë nuk duhet përjashtuar edhe versioni që I tërë aksioni I policisë së Kosovës në veri të vendit të jetë I orkestruar nga Prishtina , në veçanti nga presidenti Thaçi dhe ai serb Vucqiq, sidomos tani para takimit të Parisit që do të jetë vazhdimësi I samitit të Berlinit. Nëse është ky version atëherë mund të konstatojmë se presidenti Thaçi nuk ka hequr dorë nga ideja ruso-serbe për ndarjen e Kosovës dhe duke e tensionuar dhe provokuar situatën atje,ai dëshiron që kjo ndarje të bëhet sa më e dukshme edhe për partnerët ndërkombëtar të cilët po e refuzojnë idenë e tij dhe të Vuqiqit për ndarjen e Kosovës gjoja në emër të një marrëveshje historike në mes Kosovës dhe Serbisë”, tha Haziri për “Kosova Sot Online”.

Dhe tani sipas Hazirit, "ky fakt mbase do të duhet ta vej në lëvizje shoqërinë kosovare që me çdo metodë ta ndalon presidentin Thaçi në realizimin e këtij plani, pasi që shohim se kryeministri Haradinaj është I pafuqishëm por edhe I padijshëm për tu përballë me presidentin I cili njihet për nderskamcat që mund t’ua bëjë atyre që e kundërshtojnë në realizimin e ideve dhe ambicieve të tij".

(Kosova Sot Online )