Protestojnë sërish pronarët e kiosqeve të Prishtinës
Pronarët e kiosqeve në Prishtinë protestojnë para nisjes së mbledhjes së Kuvendit Komunal, pasi kërkesat e tyre nuk janë marrë parasysh nga kryetari Shpend Ahmeti.
Kjo protestë mbahet në shenjë pakënaqësi për ndërrimin e këtyre kiosqeve me të reja duke mos diskutuar fare me pronarët dhe kushtet e reja që janë vënë për ta pasur një kioskë.
Në njoftimin e Komunës së Prishtinës dy nga kushtet që duhet plotësuar për të marrë në shfrytëzim një kioskë janë që aplikuesi të ketë të hyra apo qarkullim prej 5 milionë eurosh ose më shumë në tri vitet e fundit dhe të ketë rrjet tregtar prej minimum 5 dyqaneve apo marketeve në Komunën e Prishtinës.
(Kosova Sot Online)