Grupi i shoqërisë civile në Gjakovë nesër dorëzon në Prokurori dëshmi të reja të krimeve serbe
Grupi i shoqërisë civile në Gjakovë ka paralajmëruar se nesër do të dorëzojë kontigjentin e dymbëdhjetë të padive të bëra nga qytetarët e kësaj komune, ndaj serbëve të dyshuarve për krime lufte.
Ata në një komunikatë për media kanë bërë me dije se bashkangjitur padive të qytetarëve, do të dorëzohen dëshmitë dhe dokumentet e gjetura të policisë, ushtrisë dhe paramilitarëve serbë, të cilët kanë operuar në këtë Komunë.
“Dorëzimi i padive dhe dokumenteve do të bëhet në Prokurorinë Speciale në Prishtinë- Departamenti për Krime Lufte, në ora 11:00” theksohet në komunikatë.
(Kosova Sot Online)