Mbi 900 tonë mish pule tërhiqen nga tregu për shkak të kontaminimit

  • 09 nëntor 2019 - 09:41
Mbi 900 tonë mish pule tërhiqen nga tregu për shkak të kontaminimit

Më shumë se 900 tonë mish pule janë tërhequr nga tregu në tetë shtete të Shteteve të Bashkuara për shkak të dyshimeve se ky produkt është i kontaminuar me mbetje metalike. Kështu thanë zyrtarët federalë të shëndetësisë.

Shërbimi për Sigurinë e Ushqimit i Departamentit për Bujqësi njoftoi se nga tregu janë tërhequr mbi 900 mijë kilogramë mish pule, përfshirë këmbë të pulës, pula pa lëkurë dhe pa eshtra dhe fileto pule.

Në mesin e shteteve që e kanë tërhequr këtë mish nga tregu janë Alabama, Arizona, Arkansasi, Kalifornia, Georgia, Minnesota, Oklahoma dhe Pensilvania.

Mishi ishte shitur nga kompania “Simmons Prepared Foods Inc”, e cila bazën e ka në Arkansas, ndërsa mishi ishte shpërndarë nëpër dyqane mes datave 21 tetor deri më 4 nëntor.

Cilësia e ushqimit në Shtetet e Bashkuara është vënë në dyshim edhe në të kaluarën. Lideri i opozitës britanike, Jeremy Corbyn, e ka kundërshtuar nënshkrimin e marrëveshjes tregtare me ShBA-në pasi kishte deklaruar se ushqimi që vjen nga ky shtet përmban krimba dhe qime minjsh, shkruan “CNN”.

(Kosova Sot Online)