Tërmeti shkatërrues në Shqipëri, arrin në 26 numri i të vdekurve

Dy persona të pajetë janë nxjerrë nga rrënojat në Thumanë mëngjesin e së mërkurës.

Keli Çupi, 32-vjeçar, dhe babai i tij, Hajredin Çupi, 67-vjeçar, e çojnë në 26 numrin e viktimave.

Sipas medieve shqiptare, 32-vjeçari u gjet me shenja jete, por ka pasur hemorragji në gjymtyrët e poshtme dhe nuk ka është arritur të nxjerret i gjallë.

Dyshohet se nën këto rrënoja mund të ketë edhe 4-7 persona të tjerë.

Kryeministri Edi Rama ka shpallur sot gjendjen e jashtëzakonshme pas tërmetit shkatërrues që ka marrë deri më tani 26 jetë njerëzish.

(Kosova Sot Online)