Tërmetet/ Shqiptarët nuk gjejnë qetësi, viti 2020 nis me 11 lëkundje toke

02 January 2020 - 13:24

Njëmbëdhjetë lëkundje të tjera tërmeti janë regjistruar gjatë natës së 2 janarit në Shqipëri. Sipas të dhënave nga IGJEUM, epiqendra ka qenë në Korcë dhe Kepin e Rodonit. Magnituda e lëkundjeve ka shkuar edhe deri në 3.4.

Më i fundit është lëkundja e regjistruar nga IGJEUM në orën 05:50, me epiqendër në Detin Adriatik me magnitudë 2.5. Ndërsa në orën 5 e 25 në Korcë lëkundja e regjistruar ka qenë me magnitudë 2.1.

Lëkundja me magnitudën më të madhe gjatë natës së sotme është regjistruar në orën 2:13 në Korcë, me madhësi 3.4 ballë.