Grabitet një pikë karburanti, tre autorët kërcënojnë punonjësin dhe i marrin paratë

Një grabitje ka ndodhur dje në Bilisht. Tre persona ende të paidentifikuar nga policia kanë vjedhur xhiron ditore të një karburanti në dalje të qytetit të Bilishtit.

Sipas informacioneve nga policia bëhet e ditur se është marrë një shumë prej 160 mijë lekësh dhe 160 euro.

Mësohet se tre personat pasi kanë hyrë në ambientet e brendshme të karburantit kanë kërcënuar punonjësin dhe më pas kanë marrë lekët dhe janë larguar. Policia ka sekuestruar pamjet e kamerave të sigurisë për të identifikuar autorët.

(Kosova Sot Online)