Incident me helikopterin e Vuçiç, presidenti serb tregon si e shmangu piloti tragjedinë

Presidenti i Serbisë Aleksandër Vuçiç i ka qetësuar të gjithë duke sqaruar se si kishte ndodhur “incidenti” në helikopterin me të cilin ai po udhëtonte.

I pyetur nga media vendase Alo.rs, presidenti serb tha se çdo gjë ishte mirë dhe nën kontroll duke shtuar se piloti bëri atë që duhej. 

“Nuk kam frikë, kam fluturuar për shtatë vite rresht. Nuk kam frikë të fluturoj. Piloti zbatoi procedurën normale kur u përball me mot të keq. Çdo gjë është në rregull”– tha Vuçiç në prononcimin e tij.

Piloti i Vuçiç shmangu sot tragjedinë pasi u përball me mot të keq. Shkak për ndryshimin e papritur kanë qenë kushtet e këqija të motit, të cilat kanë detyruar pilotin që të bënte një lëvizje të paparashikuar.

(Kosova Sot Online)