Vjosa Osmani zgjedhet kryetare e Kuvendit të Kosovës
(E plotësuar) - Vjosa Osmani është zgjedhur kryetare e Kuvendit.
Osmani është zgjedhur me 65 vota për.
*******************
Ka nisur seanca tjetër e Kuvendit të Kosovës, pas mbylljes së seancës plenare ku u votuar Qeveria e re.
Në seancën e jashtëzakonshme pritet të dalë në votim zgjedhja e kryeparlamentares së re.
Që nga konstituimi i Kuvendit, më 26 dhjetor, pozitën e Kreut të Kuvendit e mbante Glauk Konjufca, i cili sot u bë pjesë e kabinetit qeveritar të Albin Kurtit.
Konjufca është emëruar Ministër i Punëve të Jashtme.
*******************
Kryesia e Kuvendit të Kosovës ka vendosur që në orën 19:00 të nis seanca e re e Kuvendit ku në rend dite do të jetë zgjedhja e kryeparlamentarit të ri.
Vjosa Osmani e LDK-së pritet të jetë kandidatja që do të vihet në votim.
Mblidhet kryesia e Kuvendit, vendosin për seancën
Zyra për media në Kuvend të Kosovës ka bërë të ditur se sot do të mbahet një mbledhje urgjente e kryesisë.
Sipas këtij njoftimi është bërë e ditur se në ora 18:40 do të mblidhet kryesia për të vendosur për seancën e jashtëzakonshme.
“Kërkesa e 42 deputetëve për thirrjen e seancës së jashtëzakonshme të Kuvendit”, thuhet në njoftim.
Në këtë seancë pritet që të votohet nënkryetarja e LDK-së, Vjosa Osmanin në pozitën e kryeparlamentares.
Në ora 19:00 seancë e jashtëzakonshme, ja pse
Nga ora 19:00 do të mbahet edhe një seancë e Kuvendit të Kosovës ku do të votohet për Vjosa Osmanin në pozitën e kryeparlamentares.
Kjo seancë vjen pasi që paraprakisht është bërë votimi i qeverisë së re me kryeministër Albin Kurtin, me 15 ministri, 2 zëvendëskryeministra dhe 33 zëvendësministra.
"Kosova Sot Online" merr vesh se seanca do të fillojë në ora 19:00, derisa nuk dihet nëse opozita do të marrë pjesë. Paraprakisht partitë opozitare kanë dalë nga seanca kur u bë votimi qeverisë së re.
(Kosova Sot Online)