Kosnett: ShBA’të mbeten mbështetësi kryesor për forcimin e institucioneve të Kosovës

Zëvendëskryeministri i parë i Republikës së Kosovës, Avdullah Hoti, sot ka pritur në takim ambasadorin Shteteve të Bashkuara të Amerikës në Kosovë, Philip S. Kosnett .

Kosnett e ka uruar Hotin për pozitën, derisa ka thënë se Shtetet e Bashkuara të Amerikës do të mbeten mbështetësit kryesor në vazhdimin e forcimit të institucioneve të Republikës së Kosovës.

Edhe Hoti ka falenderuar ambasadorin amerikan për përkrahjen e vazhdueshme duke theksuar se SHBA-të janë një partner i fuqishëm dhe miku më i madh i Kosovës në të gjitha proceset e shtetndërtimit.

(Kosova Sot Online)