Fillojnë dënimet nga policia: Ja si gjobitet qytetari i cili nuk posedon maskë

Pas shtimit të rasteve me Covid 19 Qeveria e Kosovës ka vendosur që të bëjë të obligueshme mbajtjen e maskave nga të gjithë qytetarët jashtë shtëpive të tyre, shkruan gazeta "Kosova Sot Online".

Në një fotografi që ka arritur në redaksi, shihet polici gjersa gjobitë qytetarin i cili nuk posedon maskë për mbrojtje nga virusi.

Kujtojmë se vendimi për obligimin e mbajtjes së maskës është marrë sot në mbledhjen e 13-të të Qeverisë.

“Vendimi i parë i miratuar në mbledhjen e sotme për ndërmarrjen e masave, me qëllim të parandalimit të përhapjes dhe kontrollit të infeksionit COVID-19 është për obligimin e të gjithë banorëve të Republikës së Kosovës që të bartin maskat për fytyrë në të gjitha aktivitetet jashtë shtëpive/banesave të tyre, si dhe të mbajnë distancë fizike prej 2m në ambiente të përbashkëta jashtë shtëpive/banesave të tyre. Vendimi obligon gjithashtu që të gjitha institucionet publike dhe private të mbajnë dezinfektues për duar dhe maska për fytyrë në vende të qasshme, në hyrje të objektit, të cilat mund të shfrytëzohen nga punëtorët e institucioneve dhe vizitorët”, thuhet në vendimin e Qeverisë.

(Kosova Sot Online)