Lexoni edhe:
Banda Devolli me mision të porositur nga Serbia, edhe me laborator për shkatërrimin e shtetit dhe vrasjen e shqiptarëve të Kosovës
Hetuesit e Speciales dalin nga zyrat e OVL-UÇK’së
Hetuesit e Gjykatës Speciale të cilët kanë shkuar në zyrat e OVL-UÇK’së në Prishtinë, për të marrë një kopje të dosjeve që shkuan dje në adresë të veteranëve, tashmë duket se kanë kryer punë
Media po qëndron në selinë e OVL-UÇK’së, nga ku po përcjell nga afër këtë ngjarje.
Ndërkohë, sekretari i OVL-UÇK’së, Faton Klinaku, ka konfirmuar ëpr Express praninë e hetuesve të Speciales.
“Po kanë ardhë hetues të Gjykatës Speciale. E kanë kërku një kopje të atyre dosjeve që na kanë ardhë dje, një kopje që kemi pasur të ia japim Prokurorisë tonë, ua dhamë atyre”, ka thënë Klinaku.
Një pako me 4 mijë dosje të Gjykatës Speciale ka arritur të hënën në zyrat e OVL’së së UÇK’së në Prishtinë.
Deri më tani, nuk dihet kush e solli, megjithatë, brenda pakos kishte një letër në të cilën shkruante se gjatë ditëve në vijim do të arrijnë edhe 7 mijë dosje të tilla.
Kryetari i Organizatës së Veteranëve të Luftës së UÇK’së, Husni Gucati, ka thënë të hënën për Express se në këto dosje ka edhe emra të dëshmitarëve.
“Dosjen e ka sjellë dikush sot në orën 09:15. Ka qenë me syze, me maskë dhe kapelë. Vetëm e ka lënë pakon dhe ka ikë. Në fillim jemi frikësuar se çka mund të ketë, pasi e kemi hapur me kujdes e kemi parë që ka material të Gjykatës Speciale”, ka thënë Gucati.
Gucati tha se këto dosje kanë dalë nga Gjykata Speciale.
“Është material i Gjykatës Speciale që ka dalë prej tyre, dikush e ka pru në organizatë. Ka emra të dëshmitarëve. Janë nënshkrime të prokurorëve të huaj dhe atyre serbë që kanë bashkëpunuar me Specialen”, tha Gucati.
Gucati ka treguar edhe për letrën që gjendej brenda pakos.
“Në pako ishte një letër në të cilën shkruante se gjatë ditëve në vijim do t’i sjellin edhe 7 mijë dosje të tilla”, ka deklaruar Gucati.
(Kosova Sot Online)
