Kastrati thotë se i kanë fituar 286 mijë euro për shkak të performancës së mirë

Kryetari i Komunës së Kamenicës, Qëndron Kastrati ka njoftuar se komuna që ai udhëheq ka fituar grant prej 286 mijë euro për shkak të qeverisjes së mirë dhe efektive në vitin e kaluar.

Përmes një postimi në llogarinë e tij në Facebook, Kastrati ka bërë me dije se mjetet e fituara nga granti do të përkthehen në investime kapitale, derisa ka falenderuar për vlerësimin Ministrinë e Pushtetit Lokal, Zyrën Zvicerane për Zhvillim dhe Bashkëpunim, Suedinë e Norvegjinë.

“Duke marrë parasysh buxhetin e komunës për investime kapitale sa ishte prej 125 mijë euro gjithsej, angazhimi i secilit kolegë nga të gjitha fushat komunale ka bërë që ky grant t’i shkojë Kamenicës. Për këtë, sot kam falënderuar secilin veç e veç për angazhimin profesional në procesin e Sistemit për Menaxhimin e Performancës Komunale”, ka shkruar Kastrati.

(Kosova Sot Online)