Lexoni edhe:
Mban dy gra në shtëpi, Ilazi tregon: Fle 5 ditë me njërën dhe 5 me tjetrën
Pas rrjedhjes së dosjeve të Speciales, kjo e fundit emëron gjashtë gjyqtarë
6 gjyqtarë i janë shtuar Speciales, njohësit e drejtësisë thonë që emërimi s’ka të bëjë me dosjet e fundit.
Një ditë më parë përmes një komunikate Gjykata Speciale njoftoi se ka emëruar 6 gjyqtarë të rinj.
Në të u treguan edhe emrat e atyre që do t`i bashkohen regjistrit të gjykatëseve ndërkombëtarë.
Njëri nga gjyqtarët që do i bashkohen 17 anëtarëve të trupës speciale është Gilbert Bitti nga Franca.
Ky ka qenë profesor asistent në Universitetin e Parisit dhe këshilltar në qeverinë franceze.
Poashtu Bitt ndër tjera ka qenë edhe zëvendës i shefit të seksionit këshillimor ligjor në zyrën e prokurorit.
Kurse Daniel Fransen është gjyqtari i dytë i emëruar nga Belgjika.
Fransen njihet për përfshirjen e tij në gjyqe që kishin të bëjnë më krime të organizuara në nivele të rënda, ekonomike dhe financiare.
Ndërkohë gjyqtari i tretë Fergal Gaynor nga Irlanda njihet për ndjekjen penale në gjyqet e udhëheqësve serbeve të Bosnjës, Radovan Karagjiq dhe Momcilo Krajsinik.
Gaynor gjithashtu përfaqësoi viktimat në rastin e presidentit të Kenisë, Uhuru Kenyatta.
E Rommina Incutti është gjyqtarja e katërt e emëruar. Profesoresha e drejtësisë në universitetin kinez në Hong Kong vjen nga Italia.
Ndër të tjera në biografinë e saj ceket fakti që ka punuar në kapacitete të ndryshme në Gjykatën Speciale për Sierra Leone në Freetoën.
E gjyqtari i gjashtë, Roumen Nenkov vjen nga Bullgaria.
Ndërkohë, për juristët një Kosovë një emërim i tillë nuk është i pazakontë.
Artan Qerkini më tutje tregon nëse këto emërime tregojnë nëse do ngrise aktakuza të reja ky organ.
Kurse drejtori i Institutit të Kosovës për Drejtësi, Ehat Miftaraj thotë që emërimi i gjyqtareve nuk ka të bëj me ndodhitë e fundit rreth këtij organi.
Po ashtu Miftaraj tregon që këtë proces e ka zvarritur edhe presidenti Thaçi me rastin e lënies peng të vazhdimit të mandatit për Eulexin.
Ndërkohë emërimin e këtyre gjyqtarëve i ka përshëndetur kryetarja Ekatarina Trendafilova.
(Kosova Sot Online)
