Lexoni edhe:
Mban dy gra në shtëpi, Ilazi tregon: Fle 5 ditë me njërën dhe 5 me tjetrën
Vrau John Lennonin para 40 vjetësh, flet krimineli: E bëra për famë, i kërkoj falje gruas së tij
Mark Chapman, njeriu që vrau John Lennon, i ka kërkuar falje vejushës së muzikantit të famshëm 40 vite pas krimit.
Chapman e qëlloi me armë zjarri anëtarin e grupit të famshëm, The Beatles, 4 herë, në një ngjarje që ndodhi në Manhatan, në vitin 1980. Muajin e kaluar, atij iu refuzua lirimi me kusht për të njëmbëdhjetën herë. Gjatë seancës dëgjimore, ai tha se e vrau 40-vjeçarin që të fitonte famë dhe shtoi se meritonte dënimin me vdekje.
“Dua të theksoj se më vjen keq për krimin që kam kryer. Nuk kam justifikim. E bëra për famë. Mendoj se krimi më i keq i mundshëm është që të vrasësh dikë të pafajshëm. Ai ishte njeri familjar, ishte ikonë, ishte jashtëzakonisht i famshëm. Unë e vrava sepse ishte shumë, shumë, shumë, shumë i famshëm dhe unë kërkoja lavdi personale”, ka thënë Chapman përpara komisionit që do të merrte vendimin për lirimin e tij me kusht.
“Më vjen keq për dhimbjen që i kam shkaktuar gruas së tij. Më rri mendja aty gjatë gjithë kohës”, shtoi Chapman, i cili e kreu vrasjen kur ishte 25 vjeç dhe sot është 65 vjeç.
(Kosova Sot Online)
