Lexoni edhe:
Një mjek dhe dentist infektohen me coronavirus në burg
Prokuroria Themelore në Gjilan ka njoftuar se janë ndaluar edhe dy persona të dyshuar për rastin “Karaçeva”. Nga fillimi i këtij aksioni e deri më tani, numri i të arrestuarve ka shkuar në 63.
Prokuroria ka njoftuar se i dyshuari B.A. ka kryer veprën penale “Blerja, pranimi ose fshehja e sendeve të përfituara me kryerjen e veprës penale”.
Një mjek dhe dentist infektohen me coronavirus në burgLexoni edhe:
“I dyshuari B.A., dyshohet se ka kryer veprën penale ‘’Blerja, pranimi ose fshehja e sendeve të përfituara me kryerjen e veprës penale’’, të Kodit Penal të Republikës së Kosovës, për shkak të dyshimit të bazuar se në fshatin Karaçevë, komuna e Kamenicës, me dashje dhe me qëllim të përfitimit të kundërligjshëm pasuror, ka blerë gjedhe, për të cilat ka pasur dijeni se janë të kontrabanduara”, thuhet në njoftim.
Ndërkaq i dyshuari tjetër, Sh.I. dyshohet se ka kryer veprën penale “Organizimi i skemave piramidale dhe bixhozit të paligjshëm”.
“I dyshuari SH.I., dyshohet të ketë kryer veprën penale ‘’Organizimi i skemave piramidale dhe bixhozit të paligjshëm’’, pasi në fshatin Karaçevë, komuna e Kamenicës, me qëllim të përfitimit të kundërligjshëm pasuror, ka organizuar lojëra të fatit, të cilat janë të ndaluara me ligj”, njofton Prokuroria.
Ndaj të dyshuarve është shqiptuar masa e ndalimit prej 48 orësh.
(Kosova Sot Online)