Pasi u shpallë në kërkim nga opozita, gjendet Agim Veliu

  • G.G /
  • 27 nëntor 2020 - 14:55
Pasi u shpallë në kërkim nga opozita, gjendet Agim Veliu

Partia Demokratike e Kosovës ka ironizuar sot me Ministrin e Punëve të Brendshme, Agim Veliun, meqenëse i njëjti ka munguar në seancë.

Deputetja e kësaj partie, Ganimete Musliu vendosi edhe një fotografi të tij në vendin ku ulet, derisa u kërkoi të gjithë atyre që e shohin, t’i tregojnë ministrit se e ka obligim ligjor që të raportojë në Kuvend.

E gjatë kohës, sa kuvendi mbante seancë, Veliu ishte në Podujevë në përkrahje të kandidatit të LDK’së për kryetar të kësaj komune, Nexhmi Rudarit.

Madje, gjatë kohës sa ai mbante fjalim, është penguar nga aktivistët e Lëvizjes Vetëvendosje atje, të cilët kanë përmendur emrin e Shpejtim Bulliqit, kandidat tjetër për kryetar të kësaj komune.

(Kosova Sot Online)