Një aksident trafiku ka ndodhur paraditen e sotme

Një aksident trafiku ka ndodhur paraditen e sotme në rrugën “Eliot Engjëll” në Pejë.

Në aksident janë përfshirë tri vetura, ndërsa në vendngjarje kanë dalë njësitet e Policisë së Kosovës për të kryer veprimet e nevojshme.

Në vendin e aksidentit është parë edhe një autoambulancë, çka lë të kuptohet se ka persona të lënduar, megjithëse ende nuk dihet numri i tyre dhe gjendja shëndetësore.

Shkaqet e aksidentit nuk janë bërë të ditura, ndërsa pritet që policia të japë më shumë detaje pas përfundimit të hetimeve në vendin e ngjarjes.

(Kosova Sot Online)