Lexoni edhe:
Nervozohet skulptori pas kritikave për shtatoren e Skënderbeut: S’ia ka pre dikush kërthizën me ditë qysh dukej
Filozofi Blerim Latifi ka folur rreth deklaratës së autorit të shtatores së Skënderbeut në Prizren, i cili ka thënë se është mbështetur në kronikat osmane për ta gdhendur imazhin e tij.
Latifi tha se anadollakët shqipfolës ka vite që po mundohen ta tjetërsojnë identitetin e Skëndërbeut, në mënyrë që t’ju bëjnë vend sulltanëve në zemrat e shqiptarëve.
“Anadollakët shqipfolës mund ta pranojnë Skënderbeun vetëm si ushtar të Perandorisë Osmane. Të njëjtit kanë vite që mundohen ta tjetërsojnë identitetin e tij shqiptar, sepse që t’u bëjnë vend sulltanëve në zemrat e shqiptarëve, duhet më parë të heqin prej tyre armikun e tyre më të madh, atin shpirtnor të kombit shqiptar, gjeneralin që historia botërore e rendit përkrah gjeneralëve më të mëdhenj të saj”, ka shkruar Latifi në Facebook.
Më 28 nëntor është zbuluar shtatorja e Gjergj Kastriot Skënderbeut në Prizren, por mënyra e gdhendjes së tij ka marrë shumë reagime, ku edhe është kritikuar autori i shtatores.
(Kosova Sot Online)