Lexoni edhe:
Nënën nga Gjirokastra e babain nga Gjakova, thotë se ka veç një amanet
Sot dalin rezultatet përfundimtare të zgjedhjeve në Podujevë e Mitrovicë të Veriut
Komisioni Qendror i Zgjedhjeve ka njoftuar sot se do të shpallen rezultatet përfundimtare të zgjedhjeve për kryetar të komunës në Podujevë e Mitrovicë të Veriut.
Kjo është bërë e ditur përmes një njoftimi për media nga KQZ-ja.
“Ju njoftoj se sot (e enjte, 3 dhjetor 2020, ora 10:00) Komisioni Qendror i Zgjedhjeve shpall rezultatet përfundimtare të jashtëzakonshme për Kryetar të Komunës së Podujevës dhe Mitrovicës së Veriut, të cilat u mbajtën më 29 nëntor 2020”, thuhet në komunikatën e KQZ-së.
Zgjedhjet në Podujevë e Mitrovicë të Veriut janë mbajtur këtë të diel.
Në Mitrovicë të Veriut ka fituar Lista Serbe, derisa, në Podujevë pas 20 vitesh që LDK-ja ka qenë në pushtet, kandidati i kësaj partie është mposhtur nga Shpejtim Bulliqi i Lëvizjes Vetëvendosje.
(Kosova Sot Online)
