Lexoni edhe:
Vetëvendosje me aksion simbolik para Qeverisë
Arrestohet nga policia një 17 vjeçar, dyshohet për 24 vjedhje
Policia e Kosovës sot ka arrestuar një 17 vjeçar i cili po dyshohet se ka kryer 24 vjedhje, shkruan Gazeta Express.
Sipas policisë i njëjti është dërguar në mbajtje për 24 orë.
“Puna policore e organizuar me veprime specifike operative me qëllim kapjen e personave, për të cilët dyshohej të jenë të përfshirë në disa raste të vjedhjeve dhe vjedhjeve të rënda, sot ka rezultuar me arrestimin e një prej të dyshuarve të implikuar në rastet e tilla. • V. B. 17 vjeç, mashkull, shtetas i republikës së Kosovës, pasi është identifikuar është arrestuar nga ana e policisë nën dyshimin e arsyeshëm për përfshirje në 24 vepra të ndryshme kryesisht vjedhje dhe vjedhje të rënda”, ka njoftuar policia.
Njoftimi i plotë:
Prishtinë, 10 dhjetor 2020 – Njësitet policore të rajonit të Prishtinës që nga fillimi i këtij muaji, i kanë dhënë përparësi luftës kundër disa shqetësimeve që kohët e fundit ka pasur komuniteti në lidhje me rastet e vjedhjeve ndodhura në zona të ndryshme.
Puna policore e organizuar me veprime specifike operative me qëllim kapjen e personave, për të cilët dyshohej të jenë të përfshirë në disa raste të vjedhjeve dhe vjedhjeve të rënda, sot ka rezultuar me arrestimin e një prej të dyshuarve të implikuar në rastet e tilla.
• V. B. 17 vjeç, mashkull, shtetas i republikës së Kosovës,
pasi është identifikuar është arrestuar nga ana e policisë nën dyshimin e arsyeshëm për përfshirje në 24 vepra të ndryshme kryesisht vjedhje dhe vjedhje të rënda.
Ndaj tij policia ka filluar një hetim më të gjerë dhe me urdhër të prokurorit të shtetit i njëjti është dërguar në qendrën e mbajtjes për 24 orë, për tu proceduar më tej.
(Kosova Sot Online)
