Lexoni edhe:
Lajmi i fundit: 9 të vdekur dhe 294 raste të reja me koronavirus në Kosovë
Nuk respektuan masat anti-Covid, Inspeksioni i Prishtinës dënon AAK’në dhe Nismën
Aleanca për Ardhmërinë e Kosovës dhe Nisma Socialdemokrate janë gjobitur me nga 2 mijë euro, për mosrespektim të masave anti-Covid.
Këto dy parti politike janë gjobitur për tubimet që kanë mbajtur në Prishtinë, ku nuk kanë respektuar masat anti-Covid që janë në fuqi.
Këtë e ka bërë të ditur drejtori i Inspeksionit në Komunën e Prishtinës, Adonis Tahiri.
“Vazhdojmë me shqiptimin e gjobave për subjektet politike që organizojnë tubime në kundërshtim me vendimet qeveritare dhe ligjet në fuqi. Inspekcioni i Rendit Komunal po angazhohet në identifikimin dhe marrjen e masave ndaj secilit subjekt – shkelës të ligjit – brenda territorit të Kryeqytetit. Ligjin për parandalimin dhe luftimin e pandemisë, vlen për të gjithë”, ka shkruar Tahiri në Facebook.
Ndryshe, Inspeksioni i Prishtinës para pak ditësh ka dënuar edhe Lidhjen Demokratike të Kosovës për mosrespektim të masave anti-Covid.
1 / 2
2 / 2
(Kosova Sot Online)
