Lexoni edhe:
Pas njohjes së Izraelit, hyn në fuqi marrëveshja për investime amerikane në Kosovë
Edita Tahiri: Para 4 vitesh filluan lojërat për prekjen e kufijve, por i mposhtëm me ndihmën e Gjermanisë
Edita Tahiri ka kujtuar rrënimin e murit në Mitrovicën veriore, në katër vjetorin e tij.
Përmes një postimi në Facebook, ajo ka thënë se ky ishte treguesi i parë që kishin nisur lojërat e rrezikshme për prekjen e kufijve, derisa shton se ajo i kishte shkruar Brukselit si Kryenegociatore, SHBA-në dhe ambasadat në Kosovë, duke i paralajmëruar për rreziqet.
Ajo ka shtuar se këto lojëra vazhduan për dy vite, derisa i mposhtëm përfundimisht, ku Gjermania pati rolin vendimtar.
Postimi i saj i plotë:
“Sot janë bërë katër vjet nga rrënimi i murit në Mitrovicën veriore. Ky mur ishte treguesi i parë se kishin nisur lojërat e rrezikshme për prekjen e kufijve, për të cilin unë si Kryenegociatore i shkrova Brukselit duke e paralajmëruar për rreziqet. Po ashtu njoftova Ëashingtonin dhe gjithë ambasadat e huaja në Kosovë. Këto lojëra të kufijve vazhduan për më shumë se dy vite derisa i mposhtëm përfundimisht, ku Gjermania pati rolin vendimtar.” tha ajo.
(Kosova Sot Online)
