Hasani tregon se a mund të bëhet Albin Kurti kryeministër

  • A.P /
  • 08 mars 2021 - 23:30
Hasani tregon se a mund të bëhet Albin Kurti kryeministër

Ish-kryetari i Gjykatës Kushtetuese të Kosovës, Enver Hasani ka komentuar vendimin e Gjykatës Kushtetuese me të cilin u rrëzua Qeveria Hoti dhe iu ndalua kanididimi Albin Kurtit në zgjedhjet e 14 shkurtit 2021.

“Ai vendim i Gjykatës Kushtetuese e ka shkatërru garanacionin e nenit 45 që kurrkujt nuk mundet me iu marrë e drejta civile dhe politike po vendim të gjyqit. Dhe ai është vendim tërësisht joprofesional siç është edhe arsyetimi. Aty e kanë bërë një vendim që është sanksion që krejt kush është në tri vite e kanë ndalë për deputet”, tha Hasani.

I pyetur nëse partitë, LDK-ja ose PDK-ja, mund ta dërgojnë në Kushtetuese zgjedhjen e Kurtit edhe si kryeministër, Hasani tha që ankuesit e dinë se do të marrin përgjigjen e njëjtë si për kandidimin e deputetëve.

“Por të njëjtin kriter ata e kanë problem me arsyetu nëse e dërgojnë edhe për kryeministrin, sepse e kanë prishur standardin. Tash munden me bo cirkuz, me thanë për kryeministrin nuk vlen, nuk është dashtë me vlejtë as për deputet sepse nuk është Gjykata Kushtetuese ajo që e përcakton pastërtinë e figurës, gjykatat e rregullta e përcaktojnë atë”, tha ai.

Albin Kurti nuk ka mundur të kandidojë në zgjedhjet e fundit, ai nuk u certifikua nga KQZ si kandidat për shkak se kishte ‘probleme’ me ligjin.

Në vendimin e saj për votën e deputetit Etem Arifi, Kushtetuesja ka theksuar se Ligji për Zgjedhjet e Përgjithshme përcakton se asnjë person nuk mund të jetë kandidat për deputet për zgjedhjet për Kuvend nëse është dënuar për vepër penale me vendim gjyqësor të formës së prerë në tri vitet e fundit.

Përballë Jeta Xharrës, Enver Hasani flet për vendimin e Panelit Zgjedhor për Ankesa dhe Parashtesa (PZAP) për anulimin e votave në disa komuna të Kosovës për kandidaten Adrijana Hoxhiq dhe Iniciativa Romani.

Po ashtu, Hasani flet për zgjedhjen e presidentit e të Qeverisë së re.

Në pjesën e dytë debatohet për barazinë në qeverisje.

Pjesë e debatit janë Doarsa Kica Xhelili, kandidate për deputete nga lista e Lëvizjes Vetëvendosje, Albena Reshitaj nga AAK, Flutura Avdiu, drejtoreshë e Planifikimit Urban në Komunën e Drenasit, Arjeta Gashi dhe Shqipe Gjocaj aktiviste të drejtave të grave.

(Kosova Sot Online)